女披唇讀第二個學位，一星期三晚上堂。
女披唇：死啦，柴醫，我多咗幾條白頭髮！
柴醫：唔使驚，我仲多過你！😂😂
女披唇：我又多了一條額紋！
柴醫：唔使驚，額紋我都多過你，可以夾死路過的螞蟻。
女披唇：你老我10年！正常啦，何況你做中醫，樣子愈老愈吃香的。
柴醫：老老實實，其實我係反黑組的。
女披唇：你係臥底扮中醫？
柴醫：非也，而係中醫認為頭髮變白是腎虛與肝鬱導致，短暫變白，仍可反黑。現代醫學認為，是體內黑色素不足，酪氨酸偏低導致，一個人唔開心，呢種分泌都會低，黑色素的原材料就會唔夠，導致早生華髮。
女披唇：你講到咁把炮，你唔醫好自己？
柴醫：我係遺傳，年紀大了就有白髮，無得救。只有一個辦法，仲係極速添啊！
女披唇：我都要極速反黑啊！芝麻粉？
柴醫：係黑彩啊！😂😂😂
女披唇：😭😭😭
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。