大家仲記唔記得，香港跳繩代表隊舊年揚威世錦賽奪79個獎牌嘅佳績？跳繩確係對體能與技巧嘅考驗。於剛過去的周末，由香港專業花式跳繩學校主辦嘅「香港個人全能跳繩公開賽2017」，完成一連兩日嘅賽事，聽講今屆有超過300名來自澳洲、澳門及香港等地嘅運動員參賽，包括首位華人世界冠軍港將何柱霆與現屆及歷屆港隊成員，水平極高，尤其首次舉辦嘅「Battle對決賽」，運動員施展混身解數擊敗對手，睇到嘉賓評判目定口呆。
運動員共鬥3個項目，分別為30秒速度跳、2分鐘速度耐力跳、指定花式(公開組專屬)或自選花式(挑戰組專屬)。此外，挑戰組自選花式成績的首8名運動員可晉身「Battle對決賽」，晉級淘汰賽。睇番賽果，公開組30秒速度跳最高成績為97下；2分鐘速度耐力跳為297下，均由年僅15歲小將王天睿創出；至於挑戰組，於30秒速度跳最高跳出102下；而世界冠軍何柱霆於2分鐘速度耐力跳中更創造352下的記錄，並勇奪挑戰組總冠軍。Ray無份跳都滴晒汗！
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。