啱啱先至話「薯片叔叔」前財爺曾俊華好低調，但去到參與慈善活動立即高調番。無官一身輕嘅佢，昨日又現身西九龍中心與市民近距離接觸，不過今次目的係為香港導盲犬協會籌募經費，以發展免費專業導盲犬訓練服務，幫助更多視障人士。
曾俊華更即場戴上眼罩，喺導盲犬引路下，在台上過五關斬六將行咗一圈，體驗視障人士嘅感受。事後佢講番感受話，當睇唔到嘢時覺得好大恐懼，但有導盲犬協助帶路，安全感就大增。隨後，佢仲喺現場主持埋ice-cream challenge，呢項挑戰，佢之前已經同電台節目主持森美參與過，至今已籌得6位數字善款。薯片叔叔咁落力參與善舉，當然希望更多人了解導盲犬及視障人士的實際生活情況，減少歧視，達致社會共融啦！
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。