第一代八達通卡即將失效，前立法會議員林大輝(圖)原來亦有一張，雖然張卡已經用到「甩皮甩骨」，卡面亦磨蝕晒，但大輝話張卡用咗十幾年，而且係朋友送，唔係好捨得攞去換，大不了買過張新卡，至於係邊個送俾佢，佢就賣關子唔肯講！
大輝重感情，原來隨身仲有兩件舊物，其一係Galaxy 5係佢做議員時嘅手機，今時今日都算係古董囉；另一樣就係黑色小皮包，亦用咗十幾年，都係唔捨得丟，大輝認真念舊。
訂閱 《am730》 電子報
每周精選內容直送收件箱📧
掌握重要新聞資訊📈 財經投資🤖AI科技生活 🍽 美食玩樂 🛍 消費優惠 📰 城中熱話
提交代表本人同意接收am730所發出的推廣電郵，你可查閱本網站的私隱政策。